|
|
|
O`zbek talabalari Xitoyda tahsil olishadi.
|
Shanxay hamkorlik tashkiloti (ShHT) Ijrochi kotibi Chjan Deguan Xitoyda ShHT yo`nalishi bo`yicha tahsil olayotgan o`zbekistonlik talabalar bilan uchrashdi.
ShHTga a`zo mamlakatlar oliy o`quv yurtlari talabalari XXRda xitoy tilini bepul ravishda o`rganishini nazarda tutuvchi mazkur o`quv dasturiga Chjan Deguanning shaxsiy tashabbusi bilan asos solingan edi.
"Jahon" AAning xabar qilishich, ShHTga a`zo mamlakatlar oliy o`quv yurtlari talabalari XXRda xitoy tilini bepul ravishda o`rganishini nazarda tutuvchi mazkur o`quv dasturiga Chjan Deguanning shaxsiy tashabbusi bilan asos solingan edi.
Ta`lim maskani etib Shaansi provinsiyasidagi Sian universiteti tanlanganidan so`ng, ShHT kotibiyati diplomatik kanallar orqali a`zo mamlakatlarga tegishli taklifnomalarni jo`natdi. Yurtimiz vakillari sifatida Xitoyga O`zbekiston davlat jahon tillari universiteti va Toshkent davlat sharqshunoslik institutining to`rt nafar talabasi tahsil olish uchun keldi.
O`zbekistonlik talabalar Xitoy poytaxti Pekin shahrida bo`lishganda, ShHT Kotibiyatiga ham tashrif buyurishdi. Ularni bu yerda Chjan Deguan qabul qildi.
- Ushbu dasturning yo`lga qo`yilishi bilan tashkilotimiz tarixida yangi sahifa ochilganiga aminman, - dedi ShHT kotibi. - Men bu o`quv dasturining kelajagi porloq ekaniga va sizlar yurtingiz ravnaqiga munosib hissa qo`shuvchi ajoyib mutaxassislar bo`lib yetishishingizga ishonaman.
Vatandan olisda tahsil olish, yangi sharoitga moslashishni talab etadi, - deya ta`kidladi Chjan Deguan. Shu bilan birga u ShHT yo`nalishi bo`yicha Xitoyda o`qish istagida bo`lganlar soni yildan-yilga o`sib boraverishiga ishonch bildirdi. Chjan Deguan Sian universitetiga tashrif buyurib, o`zbek talabalari bilan yana bir bor uchrashishga va`da berdi.
|
|
|
|
Ginnesning rekordlar kitobidan...
Amerikada bepul o'qish mumkinmi?...
Uyali telefon tarixi...
