|
|
|
"Eriksson" kompaniyasi tanlovi yakunlandi.
|
MAloqa va telekommunikatsiya uskunalari sohasida jahonga mashhur Shvetsiyaning
"Eriksson" kompaniyasi joriy yilning bahorida O'zbekiston oliy o'quv yurtlari talaba va aspirantlari o'rtasida e'lon qilgan ochiq tanlov yakunlarini sarhisob qildi.
Tanlov qatnashchilari telefoniya va Internet-konferensiyalar uchun o'ziga xos multimediya ilova g'oyasi, shuningdek, ularni qo'llab-quvvatlash platformalarini ishlab chiqishi kerak edi. Ishtirokchilar loyihalari o'ziga xosligi va qulayligidan tashqari mobil aloqa abonentlarining muayyan turlariga mo'ljallangan bo'lishi kerak edi.
Toshkent axborot texnologiyalari universiteti vakili Aleksandr Pak "Masofaviy foydalanuvchilar tomonidan hujjatlarni birgalikda ishlab chiqish uchun servis" ishi uchun birinchi mukofotga (2,4 million so'm) sazovor bo'ldi. Ikkinchi va uchinchi o'rin (1,2 million so'm) "Smart Shopping" ishi uchun Toshkent moliya institutidan Yuliya Kim hamda "Multimedia Information Service" ishi uchun Toshkent axborot texnologiyalari universitetidan Anton Lisovoyga nasib etdi.
Mirzo Ulug'bek nomidagi O'zbekiston milliy universiteti vakili Marat Kilkeyev va Toshkent arxitektura-qurilish institutidan Abulqosim Abduholiqov maxsus mukofot - "Eriksson" mobil telefoni bilan taqdirlandi.
|
|
|
|
|
Ginnesning rekordlar kitobidan...
Amerikada bepul o'qish mumkinmi?...
Uyali telefon tarixi...
